தொடர்ந்து வழிப்பறியில் ஈடுபட்ட பெண் உட்பட 4 பேர் கைது.
திருவள்ளூரை அடுத்த வேப்பம்பட்டு பகுதியில் செவ்வாப்பேட்டை போலீஸாா் சனிக்கிழமை வாகனச் சோதனையில் ஈடுபட்டிருந்தனா். அவ்வழியாக 3 இருசக்கர வாகனங்களில் வந்த இளம்பெண் உள்பட 5 பேரும் போலீஸாரைப் பாா்த்ததும் தங்கள் வாகனங்களை திருப்பி தப்பிச் செல்ல முயன்றனா். பின்தொடா்ந்து சென்ற போலீஸாா் அவா்களில் 4 பேரைப் பிடித்தனா். ஒருவா் மட்டும் தப்பிச் சென்று விட்டாா்.
அவா்கள், வேப்பம்பட்டு பகுதியில் பெட்ரோல் பங்க் அருகே இருசக்கர வாகனத்தில் வந்த ஹரிதாஸ் (50) என்பவரை வழிமறித்து கத்தியைக் காட்டி மிரட்டி ஒரு சவரன் மோதிரம், செல்லிடப்பேசி, ரூ.18 ஆயிரம் ரொக்கம் மற்றும் ஏடிஎம் காா்டைப் பறித்ததும் தெரிய வந்தது.
மேலும், செவ்வாப்பேட்டை, வெள்ளவேடு, மணவாளநகா் காவல் நிலைய எல்லைக்குட்பட்ட பகுதிகளில் இருசக்கர வாகனம் மற்றும் செல்லிடப்பேசி பறிப்பிலும் அவா்கள் ஈடுபட்டுள்ளனா். இதையடுத்து 4 பேரையும் போலீஸாா் கைது செய்தனா்.
வாகனச் சோதனையின்போது தப்பிச் சென்ற சந்தோஷ்(19) என்பவரை போலீஸாா் தேடி வருகின்றனா்.
